ამინდის პროგნოზი

ბმულები

4 ივნისს ჩვენს სკოლაში „ბათუმის საჯარო სკოლების თვითმართველობის კლუბის“ მიერ ჩატარდა სემინარი თემაზე „ეკოლოგია“. სემინარი ჩატარდა „გარემოს დაცვის“ კვირეულის ფარგლებში. სემინარის ორგანიზატორი იყო X–ე კლასის მოსწავლე ალექსანდრე ბახტაძე. მოწვეულები იყვნენ ქალაქის სკოლების მოსწავლეები.

სემინარის  დასასრულს გაიმართა ვიქტორინა. გამარჯვებულები დაჯილდოვდნენ  სიგელებითა და წიგნებით.

1 ივნისს, ბავშთა დაცვის დღესთან დაკავშირებით სკოლაში მოეწყო  IX-ე კლასის მოსწავლის სალომე ზოიძის პერსონალური გამოფენა. სალომემ წა­რმოადგინა კვილინგი, რომელმაც მნახველთა დიდი ინტერესი გამოიწვია. თი­თქმის ერთი წელია იგი ამ საქმითაა დაკავებული, პედაგოგ ნელი  აფხაზავასთან ერთად იგი უფრო დიდ გამოფენაზეც ფიქრობს, მომავალ სასწავლო წელს სურს ცოდნა მეგობრებსაც გაუზიაროს და კლუბი ჩამოაყალიბოს  – წარმატება ვუსურვოთ მას!

ჩვენმა კლუბმა (ცთგ) გადაწყვიტა ამ დღეს მოეწყო „დიდი გასეირნება“ ქალაქში. ძალიან გვიყვარს ახალი შენობების, სკვერების და გალამაზებული უბნების დათვალიერება. საღამოს დავესწარით იუსტიციის სახლის გახსნას, მართლაც შესანიშნავი ნაგებობაა. მოვუსმინეთ საქართველოს პრეზიდენტის გამოსვლას და სიმფონიური ორკესტრის კონცერტს.

2 ივნისს ჩვენს სკოლაში მეთორმეტე  კლასელებისათვის დაირეკა ბოლო ზარი. დილიდანვე ისინი თეთრ პერანგებში გამოწყობილნი მოდიოდნენ სკოლაში, თითქოს ვალმოხდილები, დამშვიდებული სახეებით, მათ ხომ ორი კვირის განმავლობაში, თითქმის ყოველდღე უწევდათ გამოცდის ჩაბარება. სკოლის ფოიეში მათ ყველა  სიყვარულით ეგებებოდა და თან სამახსოვრო წარწერას უტოვებდნენ პერანგებზე, შემდეგ მათთვის სკოლის სააქტო დარბაზში გაიმართა გულთბილი შეხვედრა, იყო მილოცვები, ცეკვები, მოგონებები. ბოლოს კი დაირეკა „ბოლო ზარი“.... ნახვამდის სკოლავ....................

 

1 ივნისს რეაბილიტაციის ცენტრის მიერ კარლ პოპერის სახელობის დებატების პროგრამით გაიმართა დებატები თემაზე: დაისაჯოს თუ არა არასრულწლოვანი პირველი დანაშაულის ჩადენისას. დებატის ორგანიზატორი იყო ნატო შეროზია. მასში მონაწილეობას  იღებდა IX-X-XI კლასის მოსწავლეები. დებატი  საინტერესოდ წარიმართა, ახალგაზრდებმა ისწავლეს ღონისძიებების ორგანიზება, კომუნიკაციის უნარ–ჩვევები, დებატების კულტურა.

 

23 მაისს სკოლაში გაიმართა ინტელექტუალური მა­რა­თო­ნის საგაზაფხულო თამაშები. ორგანიზატორი ოყო ორ­გა­ნი­ზაცია ,,კავკასიონი“. გუნდებს შორის საუკეთესო იყო­ X კლასის გუნდი, ხოლო საუკეთესო მოთამაშის ტი­ტუ­ლი დაიმსახურა X-ბ კლასის მოსწავლემ შორენა სო­ლო­მო­ნი­ძემ. იგი მონაწილეობას მიიღებს ინტე­ლე­ქტ­უ­ა­ლთა სა­ქა­ლ­ა­ქო შეჯიბრებაში.

  1. გიორგი არზიანი (XII-გ) _ შემოქმედ მოსწავლეთა სექცია, ხელმძღვანელი _  დ. ქობულაძე

სკოლის სტრატეგიული ხედვა

შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–­ჩვე­ვების გამომუშავებასა და საკუთარი პოტენციალის სრულფასოვან გამოვლენას.

სკოლის მისია

აღზარდოს  დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.

სკოლის  ღირებულებები

უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.