9 ნოემბერს ქ. ბათუმის #8 საჯარო სკოლაში, სკოლის ბიბლიოთეკის, (ბიბლიოთეკარი მარიამ ჭანტურია) წიგნის მოყვარულთა კლუბ ,,საუნჯის“ (თავმჯდომარე ლექსო ბახტაძე, მეურვე ნანული რომანაძე) თაოსნობით, ასევე ჩვენი სკოლის ყოფილი მოსწავლის, თეონა სიხარულიძის მხარდაჭერით მოეწყო შეხვედრა პოეტ ზურა სალუქვაძესთან.
პოეზიის საღამოზე მოწვეული იყვნენ განათლების სამინისტროს წარმომადგენლები და სხვა დაინტერესებული პირები.
საღამო მეტად საინტერესოდ წარიმართა, პოეტი თავად კითხულობდა ლექსებს. აღმოჩნდა, რომ, დამსწრე ახალგაზრდებს შორის ბევრმა ზეპირად იცოდა ზურა სალუქვაძის ლექსები და დარბაზიდან ხმას აყოლებდნენ ლექსის მხატვრულ კითხვას, ჩვენი სკოლის რამდენიმე მოსწავლემ წაიკითხა საკუთარი ლექსი: ნინო ქათამაძემ (XII კლასი), ელენე ჯულაყიძემ (IX კლასი) და ვიოლა სირაბიძემ (IX კლასი), რამაც დიდი მოწონება დაიმსახურა.
საღამოს ამრავალფეროვნებდა ზურა სალუქვაძის მეგობრების მიერ შესრულებული მუსიკალური ნომრები.
