ამინდის პროგნოზი

ბმულები

2025 წლის 30 იანვარს ქ. თბილისში ჩატარდა 2008-2009 წელს დაბადებულ ჭაბუკთა შორის საქართველოს ჩემპიონატი სამბოში, სადაც ჩვენი სკოლის Xგ კლასის მოსწავლე საბა ნოღაიდელმა მესამე საპრიზო ადგილი დაიკავა.
სრულიად N8 სკოლა ულოცავს საბას ამ გამარჯვებას💪❣️

2024 წლის 21-22 დეკემბერს, ქალაქ ბათუმში, მუხრან ვახტანგაძის სახელობის სპორტის სასახლეში გაიმართა ნადეჟდა ორლოვას სახელობის საერთაშორისო ტურნირი - მხატვრულ ტანვარჯიშში.
შეჯიბრში მონაწილეობას იღებდა სომხეთის, ქუთაისის, ზუგდიდის, თელავის, საგარეჯოს, ბათუმის და თბილისის სხვადასხვა კლუბები, ჯამში 300-მდე ტანმოვარჯიშე.
ქ. ბათუმის N8 საჯარო სკოლის მე-9 კლასის მოსწავლე მარიამ ეზიაშვილმა წარმატებით იასპარეზა ამ ტურნირში და დაიკავა მრავალჭიდში, გურზებით ვარჯიშსა და რგოლით ვარჯიშში პირველი ადგილები 🥇🥇🥇. ასევე, ამ ტურნირში მარიამმა მოიპოვა ტიტული - “მის მაყურებლის სიმპატია”და გადაეცა სიმბოლური საჩუქარი.
ვულოცავთ მარიამს ამ გამარჯვებას და წარმატებებს ვუსურვებთ!❣️👏❣️

2024 წლის 19-20 დეკემბერს ქალაქ ბათუმში გაიმართა რაზმიკ პეტროსიანის ხსოვნისადმი მიძღვნილი ღია პირველობა კრივში ჭაბუკთა შორის, სადაც მონაწილეობა მიიღო ქ. ბათუმის N8 საჯარო სკოლის მოსწავლეებმა - ნიკა ბერიძემ და დავით ეზიაშვილმა. ეს მოსწავლეები კრივის აკადემიის სპორტსმენებია.
ნიკა ბერიძე მე-8 კლასელია.
დავით ეზიაშვილი მე-7 კლასელია.
აღნიშნულმა მოსწავლეებმა 50 კგ წონით კატეგორიაში დაიკავეს საპრიზო ადგილები:
ნიკა ბერიძე- პირველი ადგილი 50 კგ წონით კატეგორიაში;
დავით ეზიაშვილ- მეორე ადგილი 50 კგ წონით კატეგორიაში.

ჩვენი სკოლის მე-6-ე კლასის მოსწავლეები გილოცავთ დამდეგ 2025 წელს გერმანული სიმღერით ,,O, Tannenbaum, o, Tannenbaum".🎄💝🎄
Klasse 6.e gratuliert allen neues Jahr mit dem Lied "O,Tannenbaum, o, Tannenbaum".
გერმანული ენის მასწავლებელი - ნანული დიასამიძე.

🔹ოლიმპიური ჩემპიონის ნუგზარ ასათიანის სახელობის საქართველოს ფარიკაობის ფედერაციის დარბაზში, საქართველოს თასის გათამაშება დასრულდა. სადაც გამარჯვებული გახდა ბათუმის N8 საჯარო სკოლის მე-10-ვ კლასის მოსწავლე - ანანო ჯინჭარაძე, ხოლო ბრინჯაოს მედალი ამავე სკოლის მე-10-ე კლასის მოსწავლე - ელენე თურმანიძეს ხვდა წილად!!
ვულოცავთ მათ ამ გამარჯვებას!✨✨✨

2024 წლის 26 დეკემბერს ბათუმის N8 საჯარო სკოლაში გაიმართა მოსწავლეთა საახალწლო ნამუშევრების გამოფენა, რომელსაც ხელმძღვანელობდნენ ესთეტიკური კათედრის წევრები.

სსიპ ქალაქ ბათუმის N8 საჯარო სკოლაში 2024 წლის 23 დეკემბერს ჩატარდა პროექტი სახელწოდებით - ARACNE. ამ პროექტის ფარგლებში ვიზიტით იმყოფებოდა აბრეშუმის სახელმწიფო მუზეუმის საგანმანათლებლო პროგრამების ხელმძღვანელი ეკატერინე მუმლაძე. პროექტი ARACNE „ აბრეშუმის ხელოვნებისა და კულტურული მემკვიდრეობის როლის დაცვაა ეროვნულ და ევროპულ დონეზე “. პროექტში მონაწილეობას ღებულობს სკოლის ეკოკლუბი ,, ჩვენი გარემო “ - ოს წევრები.

სკოლის სტრატეგიული ხედვა

შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–­ჩვე­ვების გამომუშავებასა და საკუთარი პოტენციალის სრულფასოვან გამოვლენას.

სკოლის მისია

აღზარდოს  დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.

სკოლის  ღირებულებები

უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.