ამინდის პროგნოზი

ბმულები

დედამიწის დღესთან დაკავშირებით სკოლაში გამოცხადდა ესეების,ნახატების ბანერების კონკურსი. სკოლის გაზონებში დაირგო ნარგავები. 23 აპრილს სკოლის სააქტო დარბაზში ჩატარდა კონფერენცია თემაზე „დედამიწა ჩვენი სახლი“. ღონისძიებას ესწრებოდნენ არასამთავრობო ორგანიზაცია „ბორჯღალო“–ს  წარმომადგენელი ი.გუჩმანიძე, არასამთავრობო ორგანიზაცია „ჩვენი თაობა“ _ წარმომადგენელი ც. ქათამიძე. კონფერენცია გახსნა მოსწავლეთა თვითმმართველობის თავმჯდომარემ ა.ბახტაძემ.

ქ. ბათუმის მერიის ,,თვითმმართველობის ფორუმის“ ინიციატივით განხორციელდა პროექტი ,,ბათუმი  – მუზეუმების ქალაქი“. თვითმმართველობების თავმჯდომარეებს დავალებული ჰქონდათ მუზეუმების პოპულარიზაცია და მათი ისტორიული მნიშვნელობის გაცნობა. მე-8 და მე-9 საჯარო სკოლების თვითმმართველობების თავმჯდომარეებმა ალექსანდრე ბახტაძემ და გოჩა ჩოგაძემ პროექტი მოამზადეს აჭარის ხარიტონ ახვლედიანის სახელობის მხარეთმცოდნეობის მუზეუმზე. ისაუბრეს მის ისტორიულ–გეოგრაფიულ მნიშვნელობაზე. მონაწილეებს დაურიგდათ ,,ფლაერები“, რომელიც მათ გიდობას გაუწევთ მუზეუმის მონახულებისას.

 

დედისა და ქალთა საერთაშორისო დღეს, 8 მარტს მიეძღვნა საზეიმო კონცერტი, რომელიც 7 მარტს გაიმართა სკოლის სააქტო დარბაზში. სკოლის თვითმმართველობის თავმჯდომარემ  ალექსანდრე ბახტაძემ ისაუბრა ქალის როლზე საზოგადოებასა და ოჯახში.

საღამოს სილამაზე და სიხალისე შემატა სამეჯლისო და ქართულმა ცეკვებმა, რომელიც მოსწავლეებმა საყვარელ დედებსა და პედაგოგებს მიუძღვნეს.

20–28 თებერვალს სკოლაში მიმდინარეობდა საბჭოთა ოკუპაციის კვირეული; მოსწავლეებმა ბევრი საინტერესო ინფორმაცია მოიპოვეს  ამ ისტორიული მოვლენების შესახებ, რომლებიც გასული საუკუნის  20–იანი წლებიდან დღემდე მიმდინარეობდა ჩვენს ქვეყანაში, XI-XII კლასებმა მონაწილეობა მიიღეს ვიქტორინაში, რომელიც ბათუმის მერიის, უნივერსიტეტის და მოსწავლეთა თვითმმართველობათა ფორუმის მიერ იყო ორგანიზებული. 24–25 თებერვალს სკოლის მოსწავლეებმა ნახეს ლატვიელი რეჟისორის ედეინ შნორის დოკუმენტური ფილმი „საბჭოეთის ისტორია“.

დავით აღმაშენებლის ხსენების დღესთან დაკავშირებით ჩვენი სკოლის ინტელექტუალთა გუნდმა  „მონასპამ“ მონაწილეობა მიიღო შოთა რუსთაველის სახელმწიფო უნივერსიტეტში გამართულ კონკურსში.

2011 წლის 23 დეკემბერს სკოლის სააქტო დარბაზში გაიმართა საშობაო მეჯლისი. მასში მონაწილეობდნენ VIII-XII კლასის მოსწავლეები. მათ შეასრულეს ქართული და ინგლისური სიმღერები, ცეკვები. აგრეთვე ცეცხლოვანი ლათინოამერიკული “სამბა“ და „ჩა-ჩა-ჩა“. იყო ბევრი, იუმორი მუშაობდა „საახალწლო ფოსტა“. ღონისძიების დასასრულს გამოცხადდა ნომინაციებში გამარჯვებულები.

19 დეკემბერს სასტუმრო „შერატონში“ გაიმართა ბათუმის სკოლების ევროპული კლუბების დასკვნითი ტური. მასში ხუთი ევროკლუბი მონაწილეობდა. მოსწავლეებმა  წარმოადგინეს ნაშრომები თემაზე: საქართველოს და ევროკავშირს შორის დასადები ხელშეკრულების, ღრმა და ყოვლისმომცველი თავისუფალი ვაჭრობის დადებითი და უარყოფითი მხარეების შესახებ.

ღონისძიებას ესწრებოდა აჭარის ა.რ. განათლების, კულტურისა და სპორტის მინისტრი გ. აბულაძე, საქართველოში ევროკავშირის ელჩი ფილიპ დიმიტროვი. ჟიურში იყვნენ თორნიკე შარაშენიძე – საქართველოს საზოგადოებრივ საქმეთა ინსტიტუტის პროფესორი და გიორგი აბაშიშვილი – ეკონომიკური პოლიტიკის ინსტიტუტის დირექტორი.

სკოლის სტრატეგიული ხედვა

შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–­ჩვე­ვების გამომუშავებასა და საკუთარი პოტენციალის სრულფასოვან გამოვლენას.

სკოლის მისია

აღზარდოს  დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.

სკოლის  ღირებულებები

უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.