ამინდის პროგნოზი

ბმულები

ჩემო მამულო

ჩემო მამულო, მრავალტანჯულო,

ბევრჯერ დამწვარო და ჯვარზე ცმულო,

მაგრამ ღვთის მადლით გაბრწყინებულო,

და მაინც ისევ ბურჯად დამგარო.

 

ჩემო მამულო, გმირთა სავანევ,

მრავალი მადლი დაგიფრქვევია,

მზით გაბრწყინებულ ეზო-ყურეში

სულ მარგალიტი დაგიბნევია.

 

ეს მარგალიტი შენი პირმშოა,

შენთვის ყოველთვის ხმალშემართული,

რათა სიცოცხლის მან საფასურად,

დაიცვას შენი ტკბილი სახელი.

 

დაიცვას შენი მონაპოვარი

რაც ისტორიამ შემოგვინახა,

დაუდგას იმას დიდი კვარცხლბეგი

ქართლის გენიამ რომ მოგვიტანა.

 

ჩემო მამულო ზეაღმართულო,

მარადჟამს ტკბილად სახსენებელო,

მეც მინდა ჩემი ბავშვური გრძნობით

მუდამ გეფერო და ჩაგეხუტო.

რამინ კოჩალიძე

X კლასი

სკოლის სტრატეგიული ხედვა

შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–­ჩვე­ვების გამომუშავებასა და საკუთარი პოტენციალის სრულფასოვან გამოვლენას.

სკოლის მისია

აღზარდოს  დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.

სკოლის  ღირებულებები

უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.