სსიპ ქალაქ ბათუმის N8 საჯარო სკოლის III ა კლასის მოსწავლეებმა და მშობლებმა 25 თებერვალს ეწვივნენ ბათუმის ხარიტონ ახვლედიანის სახელობის მხარეთმცოდნეობის მუზეუმს, რომლის დათვალიერებითაც ძალიან მოხიბლულები დარჩნენ როგორც მოსწავლეები, ასევე მშობლებიც. მუზეუმის თანამშრომლებმა აღნიშნეს, რომ მოსწავლეთა და მშობელთა ასეთი დასწრება-აქტიურობა მისასალმებელია.
გიდმა, მადონა ჭრელაშვილმა ძალზედ საინტერესოდ წარმოუდგინა მათ მუზეუმის ღირსშესანიშნაობა. გადაიღენ სამახსოვრო ფოტოები, ჩაატარენ კონკურსი - ,,რა ვიცით აჭარაზე“. მოსწავლეებმა წარმოსთქვეს აჭარელი პოეტების ლექსები.
მუზეუმში სასიამოვნოდ და საინტერესოდ გატარებული დღე დიდი დამსახურებაა ამავე სკოლის ღვაწლმოსილი და საყვარელი პედაგოგის და ამავე კლასის დამრიგებლის ქალბატონ - დარეჯან ჯინჭარაძის, რომელიც არცერთ საინტერესო ღონისძიებას არ ტოვებს აღნიშვნის გარეშე. ასეთი იყო 25 თებერვალი - საბჭოთა ოკუპაციის დღე!
III ა კლასის მშობლებმა უდიდესი მადლობა გადაუხადეს ქ-ნ დარეჯანს ასეთი საინტერესო ღონისძიების ჩატარებისათვის.
