1 ივნისს, ბათუმის N 8 საჯარო სკოლაში, საზოგადოებრივ მეცნიერებათა კათედრის ოგრანიზებით, მოსწავლეებთან საინფორმაციო სახის შეხვედრა გაიმართა, რომელიც ფეხბურთში ევროპის 21 წლამდელთა ჩემპიონატს მიეძღვნა. ტურნირის დასკვნით ეტაპს 21 ივნისიდან 8 ივლისამდე, წელს თბილისი, ქუთაისი და ბათუმი უმასპინძლებენ. ამასთან, ჩვენს ქალაქში ფინალური შეხვედრაც გაიმართება.
შეხვედრის მიზანი აღნიშნული ტურნირის შესახებ ცნობადობის გაზრდა, სპორტული და ზოგადად, ჯანსაღი ცხოვრების წესის პოპულარიზაცია იყო.
სკოლის სტრატეგიული ხედვა
შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–ჩვევების გამომუშავებასა და საკუთარი პოტენციალის სრულფასოვან გამოვლენას.
სკოლის მისია
აღზარდოს დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.
სკოლის ღირებულებები
უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.
