წიგნის საერთაშორისო დღეს ბათუმის საჯარო ბიბლიოთეკის საბავშვო-ახალგაზრდობის განყოფილებას მერვე საჯარო სკოლის მოსწავლეები ეწვივნენ, პედაგოგი ნათია ცინცაძე.
მესამე კლასის მოსწავლეებმა ცნობილი იტალიელი საბავშვო მწერლის ჯანი როდარის შემოქმედებასა და ცხოვრებაზე პრეზენტაცია წარმოადგინეს. მწერლის ცნობილი ზღაპრიდან "ჯელსონმინო ცრუთა ქვეყანაში" რამდენიმე ეპიზოდი დიორამებისა და ხმოვანი ანიმაციის სახით წარმოადგინეს, რაც ჩვენთვის, ბიბლიოთეკარებისთისაც საინტერესო აღმოჩნდა.
დღევანდელი ღონისძიების ყველაზე საინტერესო ნაწილი ზღაპრის გმირებთან ინტერვიუ აღმოჩნდა - მოსწავლეებმა რესპონდენტისა და ჟურნალისტების როლები გადაინაწილეს და დეტალურად იმსჯელეს პერსონაჟების უცნაურ ხასიათებსა და ქმედებებზე.
პედაგოგ ნათია ცინცაძის განმარტებით, დღევანდელი შეხვედრის მიზანი წიგნის პოპულარიზაცია, ტექსტის გაგება- გააზრება, ციფრული ტექნოლოგიების ინტეგრირება და მოსწავლეების ბიბლიოთეკასთან დაახლოებაა.
ღონისძიების დასასრულს მოსწავლეებმა სიმბოლურად, წიგნის საერთაშორისო დღეს, ერთმანეთს საჩუქრად წიგნები გადასცეს და ბიბლიოთეკის ფონდები დაათავლიერეს, ასევე დარეგისტრირდნენ მკითხველებად.
