სსიპ საგანმანათლებლო დაწესებულების მანდატურის ფსიქოსოციალური მომსახურების ცენტრის მიერ , ბულინგის და ნივთიერებათა ავადმოხმარების პრევენციის საპილოტე პროექტის ფარგლებში, სსიპ-ქალაქ ბათუმის N8 საჯარო სკოლის მე-7ა კლასში მოსწავლის იდეების, გრძნობების, ფასეულობების გაზიარების, სოციალური უნარების სწავლების, პოზიტიური სოციალური უნარების ჩამოყალიბების და კლასის შეკვრის მიზნით დაიწყო "პროაქტიული წრის" გაკვეთილები.
მე-7 ა კლასის დამრიგებელი დიანა კაპანაძე.
სკოლის სტრატეგიული ხედვა
შევქმნათ ისეთი გარემო, სადაც ყველა მოსწავლე შეძლებს ცოდნის შეძენას, გამოყენებას, საზოგადოებრივი ცხოვრებისათვის საჭირო უნარ–ჩვევების გამომუშავებასა და საკუთარი პოტენციალის სრულფასოვან გამოვლენას.
სკოლის მისია
აღზარდოს დამოუკიდებელი, შემოქმედებითი, საკუთარი შესაძლებობის მუდმივად განვითარების შემძლე, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი მოქალაქე.
სკოლის ღირებულებები
უსაფრთხო და წამახალისებელი გარემო; განათლების სრული მისაწვდომობა და ერთნაირი მოლოდინი ყველა მოსწავლისაგან; განათლების მაღალი ხარისხი; მასწავლებელთა უწყვეტი პროფესიული განვითარება; კოლეგიალური მხარდაჭერა და თანამშრომლობა; შრომითი და საშემსრულებლო დისციპლინა.
