პროექტის ,,დებატები უკეთესი განათლებისთვის" ფარგლებში ბათუმის მე-8 საჯარო სკოლის დებატების კლუბი ჩვეულ რეჟიმში განაგრძობს აქტიურ მუშაობას.
✅ 9 მარტს საჯარო დებატები გაიმართა ქობულეთის მუზეუმში თემაზე - ონლაინ სწავლება გამართლებულია. მოსწავლეებმა ძალიან საინტერესო დებატი გამართეს აღნიშნულ აქტუალურ საკითხთან დაკავშირებით. მე-8 საჯარო სკოლას წარმოადგენდა ანა დიასამიძე. მსაჯის შეფასებით , პირველი დებატებისთვის, ეს იყო კარგი ხარისხის დებატი, რისთვისაც მადლობას ვუხდით ორგანიზატორებს.
მომავალში მოსწავლეები შეძლებენ როგორც რეგიონალურ და ეროვნულ, ასევე საერთაშორისო ტურნირებზე ასპარეზობას. საუკეთესო შედეგის მისაღწევად ვაგრძელებთ აქტიურად მეცადინეობებს.
✅ 11 მარტს საქართველოს დებატებისა და განათლების ინსტიტუტის პროგრამების ხელმძღვანელი შეხვდა ქალაქის ტერიტორიაზე არსებულ დებატების 5-ვე კლუბის წევრებს. ღონისძიება გაიმართა ბათუმის დინამოს საკონფერენციო დარბაზში, რეგულაციების სრული დაცვით. შეხვედრა მიმდინარეობდა კითხვა-პასუხის რეჟიმში, რაც მოსწავლეებისათვის ძალიან საინტერესო და ნაყოფიერი აღმოჩნდა.
სსიპ-ქალაქ ბათუმის N8 საჯარო სკოლის დებატების კლუბის ხელმძღვანელი დიანა კაპანაძე.
