დაწყებითი კლასების მასწავლებელმა, ნანა ზენაიშვილმა მე-4 ,,ე" კლასში მოამზადა პროექტი თემაზე: ,,ხალხური სიტყვიერების მნიშვნელობა". თემაზე მუშაობა მოიცავდა პერიოდს 2019 წლის 20 მაისიდან 11ივნისამდე. პროექტი მიზნად ისახავდა, უფრო ღრმად გაცნობოდნენ მოსწავლეები ხალხური სიტყვიერების მარგალიტებს. გაეზიარებინათ რამდენად საჭიროა თანამედროვე ახალგაზრდებისთვის ხალხური შემოქმედების ცოდნა. მოსწავლეები განივითარებდნენ სხვადასხვა უნარებს: შეფასების, თანამშრომლობის, პრობლემის გადაჭრის, ინფორმაციული ტექნოლოგიის გამოყენების, ასევე გაიაქტიურებენ შემოქმედებით უნარებს.
დაინიშნა ოთხი შეხვედრა, კლასი დაიყო ჯგუფებად და თითოეულ ჯგუფს მიეცა თავისი დავალება და შესრულების ვადები. გზადაგზა ტარდებოდა მონიტორინგი და ამზადებდნენ შესრულებულ დავალებებს. ბოლოს მოახდინეს შეჯამება. მოსწავლეებმა წარადგინეს სლაიდ-შოუ, შექმნეს ფლაერი, გამოუშვეს გაზეთი, მოიტანეს მასალები მუზეუმიდან, ბიბლიოთეკიდან და სხვა. ბოლოს ჩატარდა შემაჯამებელი ღონისძიება, სადაც ხალხური შემოქმედება წარმოადგინეს საქართველოს კუთხეების მიხედვით. იგი ასახეს სიმღერებსა და ცეკვებში.
