Payday Loans
Loading...

ამინდი


ბმულები

 

 

 

 

 

16 სექტემბერი

16 სექტემბერს  საზეიმო მიტინგით დაიწყო  ახალი 2012-2013 სასწავლო წელი ჩვენს სკოლაში. სახელმწიფო დროშები აღმართეს წარჩინებულმა მოსწავლეებმა ლ. გალოგრემ და ბ. თურმანიძემ. მოსწავლეებსა და მშობლებს მიესალმა სკოლის დირექტორი გივი ხალვაში, რომელმაც საპატიო სიგელით დააჯილდოვა წარჩინებული მოსწავლეები და პედაგოგები. სიტყვით გამოვიდნენ მოსწავლეთა თვითმმართველობის წევრი  ს.ანანიძე და სამოქალაქო კლუბის პრეზიდენტი ს. დეკანაძე. ლექსები წაიკითხეს პირველ კლასელებმა.

დაწვრილებით...

 

განკარგულება

 

   

თამარობა

tamaroba01

ქართველმა ხალხმა, ქართულმა ეკლესიამ მაისის თვესთან დააკავშირა თამარ მეფის ხსენება. 14 მაისი არის წმინდანად შერაცხული მეფე თამარის ხსენების დღე.

ჩვენი ვალია მუდამ გვახსოვდეს ჩვენი წინაპარი და მათ ხსოვნას პატივი მივაგოთ.

სწორედ ამიტომ II-ე კლასის მოსწავლეებმა (კლ. ხელმძღვანელი ნ. ზენაიშვილი) მოაწყვეს თამარ მეფის ხსოვნისადმი მიძღვნილი საღამო.

ზეიმი ჩატარდა სკოლის სააქტო დარბაზში, ამა წლის 24 მაისს. მოსწავლეებმა გაიხსენეს თამარის გამეფების პერიოდი, ლეგენდები. წარმოადგინეს მუსიკალური კომპოზიცია ვარძიის, გორის ციხის შესახებ.

დაწვრილებით...

 

14 აპრილი-ქართული ენის დღე

ბათუმის N8 საჯარო სკოლის დაწყებითის კათედრამ ქართული ენის დღისადმი შეადგინა კვირეულის გეგმა, რომლის მიხედვით დაწყებითი კლასის მასწავლებლებმა  და მოსწავლეებმა  ჩაატარეს საინტერესო საზეიმო ღონისძიებები, კონკურსები.

მოსწავლეებმა შემაჯანებელი კვირეულის ერთ-ერთი დღე აღნიშნეს ბათუმის ილია ჭავჭავაძის მუზეუმში. საზეიმო ღონისძიების თემა იყო „ენა ქართული-საამაო და საგალობელი“.

ნორჩმა დეკლამატორებმა მხატვრულად წაიკითხეს ქართული ენის დღისადმი მიძღვნილი ლექსები, შეასრულეს სიმღერები.

კვირეულის ერთ-ეღტი თემა იყო „ქართული ენა 33 მზის სხივი“.

დაწვრილებით...

   

II-ე კლასის მოსწავლეები აკ. წერეთლის სახელობის საბავშვო ბიბლიოთეკაში

II-ე კლასის მოსწავლეები (კლასის დამრიგებელი ნ.ზენაიშვილი)უკვე მეორე წელია გაერთიანებული არიან ქ.ბათუმის აკ. წერეთლის სახელობის საბავშვო ბიბლიოთეკაში. იქ ხშირად იმართება საინტერესო ღონისძიებები. ბიბლიოთეკის თანამშრომლები დიდი სიყვარულითა და მზრუნველობით მასპინძლობენ პატარა მკითხველებს, ურჩევენ წასაკითხ მასალას, ესაუბრებიან მათთვის საინტერესო საკითხებზე.

ამ წელს ბავშვები ისევ ეწვივნენ ბიბლიოთეკას, სადაც ჩვეული სითბოთი და სიყვარულით შეხვდნენ იქაური თანამშრომლები. სამკითხველო დარბაზი ლამაზად იყო მოწყობილი. იცოდნენ, რომ საინტერესო დღე ელოდათ.მასპინძელი და ღონისძიების წამყვანი იყო ბიბლიოთეკის მოსწავლე-ახალგაზრდობის განყოფილების უფროსი ქალბატონი ინდა გოგიბერიძე.

დაწვრილებით...

 

9 აპრილი

IX-დ კლასის მოსწავლეებს 2013 წლის 9 აპრილს დაღუპულთა ხსოვნისადმი მიძღვნილი გაკვეთილები ჰქონდათ. მოსწავლეებმა 24 წლის წინ საქართველოში დატრიალებული ტრაგედია თვალნათვლივ წარმოადგინეს. ისტორიული ფაქტების მიმოხილვა  შეცვალა იმდროინდელ პრესაში გამოქვეყნებულმა სევდითა და უდიდესი ტკივილით გაჟღენთილმა წერილებმა. მოსწავლეებმა წაიკითხეს იმ დროს, გლოვის დღეებში დაწერილი ლექსები. ბოლოს აჩვენეს ვიდეო-მასალა, რომელიც 9 აპრილის ავბედით მოვლენებს ასახავდა, პარალელურად კი ჯ. სეფიაშვილის სიმღერის „ვაჩუქოთ ერთმანეთს ტიტები“ სულში ჩამწვდომი ჰანგები ისმოდა. პროექტში მონაწილეობდნენ: ნ. გრიგოლია, ს. ქამადაძე, თ. გვიანიძე, ვ. სირაძე, ნ.ჭაღალიძე, ვ. ვაშაყმაძე, ს. კეღოშვილი, ს.ბათნიძე, თ. ვერძაძე, თ. გიორგაძე, ა. ჯულაყიძე, ე. ჯულაყიძე.

დაწვრილებით...

   

გვერდი 9 / 27

სკოლის  სტრატეგიული  ხედვა

ჩვენი სკოლა ამზადებს მოსწავლეებს წარმატებული მომავლისათვის.

სკოლის მისია

ჩვენი სკოლა მოსწავლეების წარმატებული მომავლისათვის მომზადებას მიაღწევს იმით, რომ უზრუნვლყოფს უსაფრთხო და წამახალისებელ გარემოს, განათლების სრულ მისაწვდომობას და ერთნაირ მოლოდინს ყველა მოსწავლისათვის, სწავლა-სწავლების მაღალ სტანდარტებს, მასწავლებელთა უწყვეტ პროფესიულ განვითარებას.